کورونا وائرس: عالمی سیاحت کو 20 کھرب ڈالر نقصان کااندیشہ 

خبر رساں ادارے کے مطابق عالمی ادارے نے عالمی سیاحت کی بحالی کو ’’نازک‘‘ اور ’’سست‘‘ قرار دیا ہے۔ ورلڈ ٹورازم آرگنائزیشن کی جانب سے یہ پیش گوئی ایسے وقت میں  سامنے آئی ہے جب یورپ میں کورونا کیسز میں تیزی سے اضافہ ہورہا  ہے اور کرونا کی نئی قسم "اومیکرون "  بھی سامنے آئی ہے جو پوری دنیا میں پھیل رہی ہے۔ 

سیاحت کے ادارے کے مطابق، رواں سال بین الاقوامی سیاحوں کی آمد 70 سے 75 فیصد تک رہے گی جو کہ 2019 میں وبائی مرض سے پہلے ریکارڈ کی گئی ڈیڑھ بلین سے کم ہے جبکہ 2020 میں بھی اسی طرح کی کمی ہے ۔ 

یو این ڈبلیو ٹی او کے مطابق سیاحت کا شعبہ سب سے زیادہ متاثر ہونے والے شعبوں میں سے ایک ہے،  عالمی سیاحت کے شعبے نے وبائی امراض کی وجہ سے پچھلے سال بھی 20 کھرب ڈالر کی آمدنی کا نقصان کیا ہے۔ 

واضح رہے کہ عالمی سطح پر کرونا وائرس سے 26 کروڑ 10لاکھ افراد متاثر جبکہ 52 لاکھ افراد ہلاک ہوئے ہیں۔