این اے 133 ضمنی انتخاب میں پبلک آفس ہولڈرز کے حلقے میں داخلے پر پابندی

تفصیلات کے مطابق ریٹرنگ آفیسر نے اس حوالے سے سی سی پی او لاہور اور ڈی سی کو مراسلہ جاری کردیا۔

مراسلے میں کہا گیا کہ الیکشن قوانین کے مطابق کوئی پبلک آفس ہولڈر حلقے میں کسی سطح پر بھی انتخابی مہم میں حصہ نہیں لے سکتے۔

مراسلے میں ہدایت کی گئی کہ اگر کوئی رکن اسمبلی یا پبلک آفس ہولڈرز حلقے میں انتخابی مہم چلائیں تو پولیس فوری کارروائی کرکے متعلقہ شخصیت کو حلقے سے باہر نکالے۔

الیکشن کمیشن کا کہنا ہے کہ این اے 133 میں ضمنی انتخابات 5 دسمبر کو ہونے ہیں ، قوانین کے مطابق تمام امیدواروں کو یکساں مواقع فراہم کرنے ہیں۔