روس کا سرکون  نامی ہائپرسونک کروز میزائل کا تجربہ

غیر ملکی خبر رساں ادارے کے مطابق روسی وزارت دفاع کا کہنا ہے کہ  روسی جنگی بحری جہاز ایڈمرل گورشیکوف سے سرکون میزائل داغا گیا، جس کے ذریعےچار سو کلومیٹر دور ایک ہدف کوکامیابی کے ساتھ نشانہ بنایا گیا۔

 روس حالیہ کچھ عرصے سے اس ہائپر سونک میزائل کی تیاری کے تجربات میں مصروف ہے جب کہ اس کا منصوبہ ہے کہ یہ میزائل جنگی جہازوں اور آبدوزوں میں نصب کیے جائیں۔

 روس، امریکا، فرانس اور چین گزشتہ کافی عرصے سے ماچ فائیو کہلانے والے ہائپرسونک گلائیڈ وہیکلز کی تیاری کے تجربات کر رہے ہیں۔

پیوٹن نے 2018 میں نئے ہائپرسونک ہتھیاروں کی ایک صف کا اعلان کرتے ہوئے کہا کہ وہ دنیا کے تقریباً کسی بھی مقام کو نشانہ بنا سکتے ہیں اور امریکی ساختہ میزائل شیلڈ سے بچ سکتے ہیں۔