پی ایس ایل 7 کا آغاز 27 جنوری سے ہوگا ، پی سی بی

پاکستان  کرکٹ بورڈ  (پی سی بی ) کے مطابق پاکستان سپر لیگ  (پی ایس ایل)  7 کا آغاز 27 جنوری سے ہوگا، ایونٹ کے 15 میچز کراچی جبکہ 19 میچز لاہور میں کھیلے جائیں گے۔لیگ کا افتتاحی میچ ملتان سلطانز اور کراچی کنگز کے مابین کھیلا جائے گا۔ 28 جنوری کو کوئٹہ گلیڈی ایٹرز اور پشاور زلمی مدمقابل آئیں گی۔ایونٹ کا فائنل 27 فروری کو کھیلا جائے گا۔

پی سی بی کیجانب سے جاری کردہ اعلامیے کے مطابق کوالیفائر 23 فروری جبکہ پہلا اور دوسرا ایلیمنٹر بالترتیب 24 اور 25 فروری کو کھیلا جائے گا۔ ایونٹ کے لیے پلیئرز کی ڈرافٹنگ 12 دسمبر کی سہ پہر 3 بجے لاہور کے ہائی پرفارمنس سینٹر میں ہوگی۔

پی سی بی کا کہنا ہے کہ آصف علی، حارث رؤف اور محمد رضوان پلاٹینم کٹیگری جبکہ صہیب مقصود اور حیدر علی ڈائمنڈ کٹیگری کا حصہ بن گئے۔