سعودی عرب کا حج اور عمرے پر آنے والوں کیلئے بڑا اعلان

تفصیلات کے مطابق سعودی عرب نے حج اورعمرے کے لیے آنے والے افراد کو مزید سہولت فراہم کرتے ہوئے روسی ویکسین اسپوتنک وی کی2خوراکیں لگوانے پرحج عمرہ اورمختصر وزٹ کی اجازت دے دی ہے۔

سعودی محکمہ صحت عامہ کا کہنا ہے کہ فیصلے پرعملدرآمد یکم جنوری 2022 سے ہوگا ، جس کے بعد دنیا بھر سے روسی ویکسین لگوانے والے مسلمان اب سعودی عرب جاسکیں گے۔

اس سے قبل سائنو ویک اورسائنو فام کی دونوں خوراکیں لگوانےوالوں کویکم دسمبر سے آنےکی اجازت ہے تاہم  انہیں مملکت آنے پر پانچ دن قرنطینہ میں گزارنے ہوں گے۔

سعودی محکمہ صحت کا مزید کہنا ہے کہ مملکت کے سفر پر روانہ ہونے سے قبل ’قدوم‘ پلیٹ فارم پر وزیٹر کو اندراج کرانا ہوگا، علاوہ ازیں سفر کے وقت ایئرلائن کو آن لائن یا دستاویز کی صورت میں ویکسین لینے کا ثبوت پیش کرنا ہوگا۔