کورونا کی نئی قسم اومی کرون ڈیلٹا سے زیادہ خطرناک نہیں : عالمی ادارہ صحت 

ماہرین کا کہنا ہے کہ ابتدائی جائزے کےمطابق اومی کرون ڈیلٹا کےمقابلے میں شدید بیماری کا سبب نہیں اور اومی کرون کےخلاف موجودہ ویکسین کےناکام ہونے کا امکان نہیں۔ لیکن ماہرین نے یہ بھی کہا ہےکہ اومی کرون سے متعلق یہ انتہائی ابتدائی جائزہ ہے ، اس لیے ہمیں بہت محتاط ہونےکی ضرورت ہے ۔

عالمی ادارہ صحت کا کہنا تھا کہ اس بات کا بہت کم امکان ہےکہ کورونا ویکسینز اومی کرون پربالکل  بھی اثرنہ کریں بلکہ کورونا کےتمام ویرینٹ کےخلاف سب سے مؤثر ہتھیار ویکسین لگوانا ہی ہے ۔  اومی کرون اب تک38 سے زائد  ممالک میں پھیل چکا ہے ، یہ بات درست ہے کہ یہ بہت تیزی سےپھیلتا ہے تاہم کسی بھی نئے ویرینٹ کا اس طرح پھیلنا حیران کن  نہیں ہوتا۔