اومی کرون : کورونا ویکسین کی تیسری کے بعد چوتھی ڈوز بھی لگوانی پڑے گی 

تفصیلات کے مطابق کورونا کی نئی قسم اومی کرون اب تک 38 سے زائد ممالک میں پھیل چکی ہے  اور اس سے بچاؤکیلئے حفاظتی اقدامات بھی کیے جارہے ہیں ۔

اس حوالے سے فائزر کے چیف ایگزیکٹو آفیسر ڈاکٹر البرٹ بورلاکا کہنا ہے کہ یہ بات تیسری ڈوز سے بھی آگے جا سکتی ہے اور ممکن ہے کہ  کورونا کے نئے ویرینٹ اومی کرون سے نمٹنے کے لیے ویکسین کی چوتھی ڈوز بھی لگوانی پڑے۔

انہوں نے مزید کہا کہ کورونا کی نئی قسم میں بہت زیادہ تبدیلیاں ہو چکی ہیں۔ اسکے کے مقابلے میں ویکیسن کی افادیت کم ہو گئی ہے ویکیسن کی 2 ڈوز تو اب بالکل بھی کافی نہیں ۔ کورونا ویکسین کی تیسری ڈوز لگوانے کے ایک سال کے اندر اندر چوتھی ڈوز کی ضرورت پڑ سکتی ہے

فائزر کے سی اواو نے تجویز دی ہے کہ معمر، کمزور قوت مدافعت والے افراد کوایک سال کے اندر ویکسین کے دو بوسٹرز لگوانے کی ضرورت ہو گی کیونکہ ان کے لیے کورونا کی کسی بھی قسم سے متاثر ہونے کا خطرہ زیادہ ہے۔

 اس سے قبل  بھی ڈاکٹر البرٹ معمر افراد کے لیے سال میں ایک بوسٹر شاٹ لگانے کی تجویز دے چکے ہیں ۔ ان کا کہنا ہے کہ ویکسین کی تین خوراکیں کورونا کی نئی قسم کے خلاف بہترین اور مکمل تحفظ تو دے سکتی ہیں لیکن یہ نہیں کہا جا سکتا کہ یہ اثر کتنی جلدی ختم ہو جائے گا ۔ یہی وجہ ہے کہ  تیسری خوراک لگوانے کے بعد ایک سال کے اندر چوتھی ڈوز کی ضرورت ہو سکتی ہے۔

خیال رہے کی دیگر دوا ساز کمپنیوں نے بھی کورونا  کی نئی قسم سے بچنے کے لیے وقتی طور پر ویکسین کے بوسٹر شاٹس لگانے کی تجویز دی ہے لیکن ابھی اومی کرون پر تحقیقات  ابھی جاری ہیں، یہ  ممکن ہے کہ نئے ویرینٹ سے نمٹنے کے لیے ایک نئی ویکسین بھی بنانی پڑے۔

واضح رہے کہ دوا ساز کمپنیوں کی تجویز کے بعد پاکستان ، برطانیہ سمیت کئی ممالک میں  سلسلہ وار شہریوں کو بوسٹر شاٹ لگانے کا آغا ز کردیا گیا ہے ۔