فلموں میں معاوضہ لیے بغیر کام کرنے والی بالی ووڈ شخصیات کون کون سی ہیں؟

تفصیلات کے مطابق بھارتی اداکارہ کرینہ کپور نے ایک نہیں بلکہ دو فلموں  میں بغیر معاوضہ لئے کام کیا تھا جس میں فلم بلّو باربر کے گانے مرجانی اور فلم دبنگ 2 کے گانے فیویکول شامل تھا۔

اس کے علاوہ اداکارہ کترینہ کیف نے فلم اگنی پتھ کا  گانا چکنی چمیلی بغیر معاوضہ لئے شوٹ کروایا تھا۔

کترینہ کیف کے اس گانے کے لیے معاوضہ نہ لینے کی وجہ ہدایتکار کرن جوہر اور اُن کی دوستی تھی۔

بالی ووڈ کے دبنگ اداکار سلمان خان  نے سن آف سردار اور تیس مار خان جیسی کئی فلموں میں مختصر کردار بنا معاوضے کے ادا کیے تھے۔

فلموں میں کام کرنے کے لیے یہ نامور شخصیات پروڈیوسرز سے کروڑوں روپے بطور معاوضہ لیتے ہیں۔

اداکار شاہ رخ خان نے فلم بھوت ناتھ میں بنا معاوضے کے ایک چھوٹا سا کردار ادا کیا تھا۔

اداکارہ پریانکا چوپڑا نے فلم بلّوباربر میں ایک گانا جس کا نام یو گیٹ می راکنگ اینڈ سیلنگ کے لئے کوئی معاوضہ وصول نہیں کیا تھا۔

اسی طرح اداکارہ رانی مکھرجی نے بھی بالی ووڈ کو کئی سپرہٹ فلمیں دیں،انہوں نے فلم کبھی خوشی کبھی غم کے لئے کرن جوہر سے کوئی معاوضہ نہیں لیا تھا۔

اسی طرح اداکارہ دیپیکا پڈوکون  جو کہ سب سے زیادہ معاوضہ لینے والی اداکاراؤں میں سے ایک ہیں۔

انہوں نے اپنی پہلی فلم اوم شانتی اوم کا معاوضہ وصول نہیں کیا تھا اور اس فلم میں مرکزی کردار بالکل مفت ادا کیا تھا۔