ہالی وڈ فلم میں کچھ بولڈ سین تھے جس کی وجہ سے کام نہیں کیا: سجل علی

ایک انٹرویو میں سجل علی نے کہا کہ ہالی وڈ کے ایک بڑے پراجیکٹ کے لیے مجھ سے رابطہ کیا گیا تھا، فلم کی کہانی کافی دلچسپ تھی لیکن اس میں ایک بولڈ سین تھا جسے میں نہیں کرسکتی تھی۔

سجل کا کہنا تھا کہ اگر میں کسی طرح وہ سین عکسبند کروا بھی دیتی تو میرے مداح اور ملک کے لوگ ہمیشہ مجھے اس سین سے منسلک کرتے اور میں یوں انہیں مایوس نہیں کرنا چاہتی تھی۔

انہوں نے کہا ہےکہ لوگوں کی جانب سے قیاس آرائیاں کی جانے لگیں کہ سجل کو کیسے آنجہانی اداکارہ سری دیوی کے ساتھ ایک کردار کے لیے چُنا جاسکتا ہے۔

اداکارہ کا کہنا تھا کہ اس قسم کی باتوں نے مجھے افسردہ کردیا تھا کیونکہ میں اس سے پہلے ہماری انڈسٹری کی قابل اور ورسٹائل اداکاراؤں ثانیہ سعید اور نادیہ جمیل کے ساتھ کام کرچکی ہوں، میرے لیے وہ سری دیوی جیسی ہی باصلاحیت اداکارائیں ہیں۔