نائجیریا: ڈاکووں کی اندھا دھنگ فائرنگ سے 200 افراد ہلاک

غیر ملکی خبر رساں ادارے کے مطابق یہ گروہ ڈاکو کے نام سے جانا جاتا ہے،اس میں  مجرموں کے جدید ترین نیٹ ورک ہیں جو  اس علاقے میں  اکثر جانور چوری کرتے ہیں اور  مقامی افراد کو تاوان کے لیے اغوا بھی کرتے ہیں۔

نائیجیریاکے شمال مغربی ریاست زمفارا میں موٹر سائیکل سوار مسلح ڈاکوؤں نے 10 سے زائد گاؤں پر دھاوا بول کر اندھا دھند فائرنگ کی، جس کے نتیجے میں 200 سے زائد افراد جاں بحق ہو گئے۔ یہ واقعات گزشتہ ہفتے ہونے والے فوجی فضائی حملوں کے جواب میں کیے گئے ہیں جس نے کچھ جرائم پیشہ گروہوں کو اپنے ٹھکانوں سے نکلنے پر مجبور کر دیا گیا تھا۔

ڈاکوؤں کے حملے میں 10 ہزار لوگ بے گھر بھی ہو گئے ہیں، کیوں کہ حملے میں انھوں نے لوٹ مار کے ساتھ ساتھ گھروں کو نذر آتش بھی کیا۔

گزشتہ ہفتے حکومت نے سرکاری طور پر ان ڈاکوؤں کو دہشت گرد قرار دیا تھا۔

نائجیریا کی افواج اور فضائیہ نے گزشتہ پیر کو گوسامی کے جنگلات اور تسمیرے گاؤں میں ڈاکوؤں کی کمین گاہوں کو نشانہ بنایا تھا جس میں 100 سے زائد ڈاکو مارے گئے تھے جن میں ان کے 2 سرغنہ بھی شامل تھے۔