حکومت نے مری اور گلیات جانے کیلئے عائد پابندی میں چوبیس گھٹنے کی توسیع کردی

تفصیلات کے مطابق وزیر داخلہ شیخ رشید احمد کا کہنا ہے کہ  حکومت نے مری اور گلیات جانے کےلئے عائدپابندی میں چوبیس گھنٹے کی توسیع کردی ہے،  مری اور ملحقہ علاقے کے رہائشیوں کا اس پابندی پر اطلاق نہیں ہوگا،  مری اور گلیات کی صورت حال کا مسلسل جائزہ لیا جارہا ہے۔

وزیر داخلہ شیخ رشید احمد نے مزید کہا کہ مری اور گلیات جانے کیلئے پابندی کھولنے کا فیصلہ صورت حال کا جائزہ لے کرکیا جائیگا۔

خیال رہے کہ  مری میں شدید برفباری اور سیاحوں کے رش کی وجہ سے صورتحال انتہائی خراب ہوگئی تھی اور 20 سے زائد افراد کی گاڑیوں میں اموات کے بعد سیاحتی مقام کو آفت زدہ قرار دے کر ایمرجنسی  نافذ کر دی گئی تھی۔