عثمان خواجہ آسٹریلوی کرکٹرز کو دورہ پاکستان پر آمادہ کرنے کے مشن پر

عثمان خواجہ کا کہنا تھا کہ مجھے برصغیر خطے سے ہمیشہ بہت سپورٹ حاصل رہی ہے، جس میں بھارت بنگلادیش اور خاص طور پر پاکستان شامل ہے، جہاں ان کی پیدائش ہوئی۔

انہوں نے کہا ہےکہ وہ پی ایس ایل کاحصہ بن چکے ہیں، اوہ وہ تجربہ بہت شاندار تھا اور جلد ہی دوبارہ پاکستان کھیلنے جانا چاہتے ہیں۔

عثمان خواجہ کا کہنا تھا کہ میرے خیال میں آسٹریلوی کرکٹ کے لیے یہ بہت اچھا موقع ہے کہ جس سے وہ نئی نسل کو متاثر کر سکتے ہیں، اور اس سلسلے میں انہوں نے اپنے ساتھی کھلاڑیوں سے بھی بات کی ہے۔

ان کہنا تھا کہ اس نسل نے ڈیوڈ وارنر، اسٹیو اسمتھ جیسے کھلاڑیوں کو کبھی ٹی وی کے علاوہ کھیلتے نہیں دیکھا لیکن اب آسٹریلوی کھلاڑی وہاں پرفارم کر کے نئی مثال قائم کرتے ہوئے کھیل کی بحالی اور فروغ  کےلیے اپنا کردار ادا کر سکتے ہیں۔

ان کا مزید کہنا تھاکہ پاکستان طویل عرصے سے کرکٹ سے محروم رہا ہے، اور اب ہمارے پاس انہیں یہ کھیل واپس دینے کا ایک موقع ہے،مجھے امید ہے کہ ہم پاکستان نہ صرف میری خاطر بلکہ پاکستان کرکٹ اور ان تمام لوگوں کے لیے وہاں جائیں گے جنہیں اس کھیل سے لگاؤ ہے۔