پٹرولیم مصنوعات کی قیمتوں میں اضافے کا امکان  

ذرائع کے مطابق عالمی مارکیٹ میں تیل کی قیمتوں میں اضافے  کے باعث پاکستان میں بھی پیٹرولیم مصنوعات کی قیمتیں مزید بڑھنے کا امکان ہے ۔

ذرائع کے مطابق پیٹرول کی قیمت میں 5.25 روپے فی لیٹر تک اضافے کا امکان ہے جس کے بعد پٹرول کی قیمت  ملکی تاریخ میں پہلی مرتبہ  150 روپے فی لیٹر تک پہنچ جائے گا ۔ 

ذرائع کے مطابق پٹرول کی فی لیٹر قیمت میں 5.25 روپے جبکہ ڈیزل کی فی لیٹر قیمت میں 5.75 روپے اضافے کا امکان  ہے ۔

ذرائع کے مطابق لائٹ ڈیزل آئل کی فی کیٹر قیمت میں 6 روپے،مٹی کے تیل کی فی لیٹر قیمت میں 5.50 روپے  تک اضافہ متوقع ہے ۔عالمی مارکیٹ میں خام تیل کی قیمتوں میں 2 ڈالر فی بیرل کا اضافہ ہوا ہے جس کے بعد  خام تیل کی قیمتیں 81 ڈالر فی بیرل تک پہنچ گئی ہیں ۔

برینٹ آئل کی قیمت میں 1.7 ڈالر کا اضافہ ریکارڈ کیا گیا ، برینٹ آئل کی قیمت بڑھ کر 83.7 ڈالر فی بیرل تک پہنچ گئی ہے ۔