ویرات کوہلی نے ٹیسٹ کپتانی چھوڑنے کا اعلان کر دیا

مائیکرو بلاگنگ ویب سائٹ ٹوئٹر پر ویرات کوہلی نے اپنا بیان جاری کرتے ہوئے ٹیسٹ کپتانی چھوڑنے کا اعلان کیا۔ 

خیال رہے کہ ویرات کوہلی کا یہ فیصلہ ایسے وقت میں سامنے آیا ہے جب بھارتی ٹیم کو جنوبی افریقہ کےخلاف ٹیسٹ سیریز میں 1-2 سے شکست کا سامنا کرنا پڑا۔ 

اپنے  بیان میں ویرات کوہلی کا کہنا تھا کہ انہوں نے اپنا کام بہت ایمانداری کے ساتھ کیا اور اس کے لیے کوئی کسر نہیں چھوڑی۔ 

ویرات کوہلی نے اپنے پیغام میں بی سی سی آئی اور اپنے کھلاڑیوں کو بطور کپتان انہیں سپورٹ کرنے پر شکریہ ادا کیا۔ 

?? pic.twitter.com/huBL6zZ7fZ

— Virat Kohli (@imVkohli) January 15, 2022

خیال رہے کہ گزشتہ برس روہیت شرما کو ویرات کوہلی کی جگہ محدود طرز کی کرکٹ کا کپتان مقرر کیا گیا تھا۔