آئی جی اسلام آباد کی ہدایات پرمنشیات فروشوں کے خلاف بڑا آپریشن جاری

تفصیلات کے مطابق  آئی جی اسلام آباد محمد احسن یونس کی ہدایات پرمنشیات فروشوں کے خلاف بڑا آپریشن جاری ہے، ‎ ‎تھانہ سیکرٹریٹ پولیس کا بری امام میں چھاپہ،  بدنام زمانہ منشیات ڈیلر اخلاق عرف تاجا سکنہ شاہ اللہ دتہ کو گرفتار کرلیا گیا۔

پولیس ‏کا کہنا ہے کہ  ملزم کے قبضے سے 03 کلوگرام چرس برآمد ہوئی ہے، ملزم کے خلاف تھانہ سیکرٹریٹ میں مقدمہ درج کرکے مزید تفتیش شروع کردی گئی۔

آئی جی اسلام آباد محمد احسن یونس کا کہنا ہے کہ  پولیس اس گھناونے کاروبارمیں ملوث عناصرکوہرصورت قانون کے کٹہرے میں لائے گی،  کسی بھی سماج دشمن عناصر کو شہریوں کی زندگیوں سے کھیلنے کی ہرگز اجازت نہیں دی جائے گی۔