مین ہول کے ڈھکن چوری کرنے، بیچنے یا خریدنےپر اقدام قتل کا مقدمہ درج ہوگا، مراسلہ جاری

تفصیلات کے مطابق  فیصل آباد میں بچے  کے مین ہول میں گر کر جاں بحق ہونے کا واقعے کے بعد چیف سیکرٹری پنجاب نے صوبہ بھر کے ایم ڈیز واسا اور چیف افسران کو مراسلہ جاری کر دیا ہے۔

مراسلے میں کہا گیا ہے کہ  باعث شرم ہے  بچے کھلے مین ہولز کیوجہ سے مر رہے ہیں، کچھ افسران اپنی  بنیادی ذمہ داریاں ادا نہیں کر رہے، اگر کسی مین ہول کا ڈھکن غائب پایا گیا تو واسا کے ایم ڈیز اورلوکل گورنمنٹ کے چیف آفیسرز ذمہ دار ہوں گے، فرائض میں کوتاہی برتنے پر متعلقہ افسران کے خلاف  سخت کارروائی کی جائے گی۔

مراسلے میں کہا گیا ہے کہ  کوئی بھی شخص مین ہول کے ڈھکن چوری کرتا، بیچتا یا خریدتا پایا گیا تو اس کیخلاف اقدام قتل کا مقدمہ درج ہوگا۔