جرم
سانحہ سیالکوٹ ، کیس کے پہلے شریک ملزم کو سزا
پریانتھا کمار قتل کیس میں شریک ملزم عدنان کو سزا گوجرانوالہ کی خصوصی عدالت کی جج نے ایک سال قید اور دس ہزار روپے جرمانے کی سزا سنائی ہے
گوجرانوالہ : انسداد دہشتگردی کی عدالت نے سری لنکن شہری پریانتھا کمارا قتل کیس کے شریک ملزم عدنان کو اعتراف جرم کے بعد ایک سال قید کی سزا سنا دی ہے۔
تفصیلات کے مطابق پریانتھا کمار قتل کیس میں شریک ملزم عدنان کو سزا گوجرانوالہ کی خصوصی عدالت کی جج نے ایک سال قید اور دس ہزار روپے جرمانے کی سزا سنائی ہے ،
ملزم نے واقعے کے بعد سوشل میڈیا پر ویڈیو اپ لوڈ کی تھی اور افسوسناک واقعہ کی تشہیر کرتے ہوئے ویڈیو میں ملزمان کے کردار کو درست قرار دیا تھا جس پر ملزم کے خلاف تھانہ رنگپورہ سیالکوٹ میں سب انسپکٹر مبارک علی کی مدعیت میں مقدمہ درج ہے ۔
دنیا
اسرائیل کا غزہ کے پناہ گزیں کیمپ پر حملہ چار فلسطینی شہید
غزہ کی سرکاری میڈیا آفس کے مطابق محکمہ صحت کے اہلکاروں نے کم سے کم تیس لاشیں برآمد کی ہیں
غزہ کے مغربی علاقے میں ایک پناہ گزین کیمپ پر اسرائیلی جنگی طیارے کے حملے میں کم سے کم چار فلسطینی شہید ہو گئے ہیں۔
غزہ کی سرکاری میڈیا آفس کے مطابق محکمہ صحت کے اہلکاروں نے کم سے کم تیس لاشیں برآمد کی ہیں جو الشفاء ہسپتال کے سامنے ایک اجتماعی قبر میں دفنادی گئی تھیں۔گزشتہ سال سات اکتوبر سے غزہ پر جاری اسرائیلی حملوں میں تینتیس ہزار نو سو ستر فلسطینی شہید اور چھہتر ہزار سات سو ستر زخمی ہو گئے ہیں۔
تجارت
پاکستان عالمی مالیاتی فنڈ کے ساتھ طویل مدتی مالیاتی معاہدہ کرنا چاہتا ہے ، وزیر خزانہ
واشنگٹن میں وزیر خزانہ نے عالمی مالیاتی فنڈ اور عالمی بینک کے سپرنگ اجلاس کے دوران موڈی انویسٹر سروس سے بھی ملاقات کی
اسلام آباد : وزیر خزانہ محمد اورنگزیب نے کہا ہے کہ پاکستان عالمی مالیاتی فنڈ کے ساتھ مالیاتی تعاون کے ایک بڑے اور وسیع پروگرام کاحصہ بننا چاہتا ہے۔
واشنگٹن میں سرمایہ کاروں کی ایک گول میز کانفرنس میں اظہار خیال کرتے ہوئے انہوں نے مہنگائی میں کمی روپے کی قدر میں اضافے زرعی شعبے کی پائیدار ترقی زرمبادلہ کے ذخائر میں اضافہ اور حصص کی منڈی میں تیزی کے رجحان سمیت پاکستان کے مستحکم اقتصادی اشارے اجاگر کئے۔انہوں نے محصولات میں اضافے توانائی کے شعبے میں اصلاحات اور نجکاری پروگرام کے حوالے سے حکومت کی اہم ترجیحات کے بارے میں بھی بتایا۔
واشنگٹن میں وزیر خزانہ نے عالمی مالیاتی فنڈ اور عالمی بینک کے سپرنگ اجلاس کے دوران موڈی انویسٹر سروس سے بھی ملاقات کی۔ملاقات کے دوران وزیر خزانہ نے اہم معاشی اشاریوں کے بارے میں آگاہ کیا اور بتایا کہ اس طرح مضبوط میکرو اکنامک پالیسی کے ذریعے پاکستان نے عالمی مالیاتی فنڈ کے سٹیڈ بائی ایگریمنٹ کے حصول میں کامیابی حاصل ہوئی۔
تجارت
صدر پاکستان کی بنک صارفین کو ایک ارب چھبیس کروڑ روپے کا ریلیف دینے پر بنکنگ محتسب کی تعریف
صدرآصف علی زرداری نے زیادہ سے زیادہ لوگوں کے فائدے کیلئے کیلئے بنکنگ محتسب کے کردار اور خدمات کے بارے میں آگاہی پید اکرنے کی ضرورت پر زور دیا
اسلام آباد : صدر آصف علی زرداری نے گزشتہ سال بنک صارفین کو ایک ارب چھبیس کروڑ روپے کا ریلیف دینے پر بنکنگ محتسب کی تعریف کی ہے۔
انہوں نے بنکنگ محتسب پاکستان سراج الدین عزیز سے آج(جمعہ) کو اسلام آباد میں ملاقات کی اور بنکنگ محتسب نے صدر کو سالانہ محتسب رپورٹ بھی پیش کی۔
صدرآصف علی زرداری نے زیادہ سے زیادہ لوگوں کے فائدے کیلئے کیلئے بنکنگ محتسب کے کردار اور خدمات کے بارے میں آگاہی پید اکرنے کی ضرورت پر زور دیا۔
سراج الدین عزیز نے صدر کو بریفنگ دیتے ہوئے صارفین کی شکایات کے فوری ازالے میں بنکنگ محتسب کے کردار کو اجاگر کیا۔
-
تجارت 14 گھنٹے پہلے
پاکستان عالمی مالیاتی فنڈ کے ساتھ طویل مدتی مالیاتی معاہدہ کرنا چاہتا ہے ، وزیر خزانہ
-
پاکستان ایک دن پہلے
سابق پی ٹی آئی رہنما یاسمین راشد کی طبیعت ناساز
-
دنیا ایک دن پہلے
شیخ محمد بن زید النہیان کا حالیہ بارشوں سے متاثر ہونے والے خاندانوں کی فوری امداد کا حکم
-
تجارت ایک دن پہلے
آئی ایم ایف سے مذاکرات میں روپے کی قدرمیں بڑی کمی کا کوئی امکان نہیں، محمد اورنگزیب
-
تجارت 2 دن پہلے
ملک میں گندم کا وافر ذخیرہ موجود ہے، مزید خریداری کیلئے صوبوں کو خط لکھیں گے ، عطا تارڑ
-
دنیا ایک دن پہلے
اقوام متحدہ کی فلسطینیوں کیلئے امداد کی اپیل
-
پاکستان 2 دن پہلے
وفاقی وزیرداخلہ کا ملک بھر میں اوور بلنگ میں ملوث لوگوں کے خلاف کارروائی کا حکم
-
کھیل ایک دن پہلے
پاکستان اور نیوزی لینڈ کے درمیان ٹی ٹوئنٹی کا پہلا میچ بارش کے باعث منسوخ