پنجاب: ان ڈور شادیوں پر پابندی کا فیصلہ عدالت میں چیلنج

میرج ہالز ایسوسی ایشن کی جانب سے لاہور ہائیکورٹ میں درخواست دائر کی گئی ہے جس میں مؤقف اختیار کیا گیا ہےکہ حکومتی نوٹیفکیشن کے مطابق آوٹ ڈور 300 افراد کی اجازت ہے جب کہ  تعلیمی ادارےکھلے ہیں،کاروبار جاری ہیں اور شادی ہالزپرپابندی لگادی گئی ہے۔

درخواست میں مزید کہا گیا ہےکہ شادی ہالز میں ان ڈور شادی کی تقریبات پر پابندی امتیازی سلوک ہے لہٰذا ان ڈور شادی پر پابندی کا نوٹیفکیشن کالعدم قرار دیا جائے۔

واضح رہے کہ ملک میں کورونا کیسز کی بڑھتی شرح کے پیش نظر ان ڈور شادیوں پر پابندی عائد کی گئی ہے۔