کراچی : کیمیکل فیکٹری کے گودام میں لگی آگ پر قابو پالیا گیا

جی این این  کے مطابق کراچی کے علاقے  کورنگی مہران ٹاؤن میں کیمیکل بنانے والی کمپنی  کے گودام میں لگنے والی آگ پر قابو پالیا گیا ہے  ، ایڈمنسٹریٹر کورنگی کا کہنا ہے کہ متاثرہ گودام میں کولنگ کا عمل جاری ہے۔ 

اس سے قبل تر جما ن سندھ رینجرز کا کہنا ہے کہ سندھ رینجرز کے جوان موقع پر پہنچ گئے، جائے حادثہ کو کارڈن آف کر لیا گیا۔

فائربریگیڈکی گاڑیاں آگ بجھانے میں مصروف ہیں ، ضرورت پڑی تو دوسرے اداروں سے بھی مدد طلب کریں گے ، ترجمان نے کہا کہ حکمت عملی کے تحت آگ کو دیگر فیکٹریوں تک پھیلنے سے روک رہے ہیں ۔ 

فائر بریگیڈ نے آگ کو تیسرے درجے کی قرار دے دیا  جبکہ فیکٹری میں کام کرنے والے افراد کو ریسکیو ٹیموں نے بحفاظت باہر نکال لیا ہے۔  آتشزدگی کی وجوہات تاحال معلوم نہ ہوسکیں۔