کھیل

پی ایس ایل7: کوئٹہ گلیڈی ایٹرز نے اسلام آباد یونائیٹڈ کو شکست دے دی

لاہور:پاکستان سپر لیگ (پی ایس ایل) کے ساتویں ایڈیشن میں کوئٹہ گلیڈ ایٹرز نے اسلام آباد یونائیٹڈ کو شکست دے دی ہے۔

شائع شدہ 5 years ago پر Feb 13th 2022, 4:11 am

ویب ڈیسک کے ذریعے

پی ایس ایل7: کوئٹہ گلیڈی ایٹرز نے اسلام آباد یونائیٹڈ کو شکست دے دی

ہدف کے تعاقب میں کوئٹہ گلیڈی ایٹرز کی جانب سے جیسن روئے اور احسن علی نے ٹیم کو 88 رنز کا زبردست آغاز فراہم کیا ۔ احسن علی 30 رنز کی اننگز کھیلنے کے بعد آؤٹ ہوئے۔

جیسن روئے نے ایک اور میچ وننگ اننگز کھیلتے ہوئے نصف سنچری اسکور کی اور وہ 27 گیندوں پر 54 رنز بناکر آؤٹ ہوئے، ان کی اننگز میں 1 چھکا اور 10 چوکے شامل تھے۔

تیسرے نمبر پر بیٹنگ کے لیے آنے والے جیمز ونس نے 29 رنز کی اننگز کھیلی تاہم کپتان سرفراز احمد نے ذمہ دارانہ اننگز کھیلتے ہوئے نصف سنچری اسکور کی اور انہوں نے وننگ شارٹ کھیل کر 32 گیندوں پر 50 رنز کی ناقابل شکست اننگز کھیلی۔

تاہم کوئٹہ گلیڈی ایٹرز کی جیت میں سب سے اہم کردار عمر اکمل نے ادا کیا جنہوں نے اپنے پہلے ہی میچ میں 3 چھکوں کی مدد سے 8 گیندوں پر 23 رنز کی جارحانہ اننگز کھیل کر ٹیم کو فتح سے ہمکنار کروایا۔

اسلام آباد یونائیٹڈ کی جانب سے کپتان شاداب خان نے 3، لیام ڈاسن اور محمد وسیم نے ایک وکٹ حاصل کی۔

پاکستان سپر لیگ (پی ایس ایل) 7 کے 18 ویں میچ میں کوئٹہ گلیڈی ایٹرز کے کپتان سرفراز احمد نے ٹاس جیت کر اسلام آباد یونائیٹڈ کے کپتان شاداب خان کو بیٹنگ کی دعوت دی تھی۔

اسلام آباد یونائیٹڈ کی طرف سے اننگز کا آغاز رحمن اللہ گرباز اور الیکس ہیلز کیا رحمن اللہ گرباز نے 13 گیندوں پر 19 رنز کی باری کھیلی۔

ایلکس ہیلز کی اننگز کا خاتمہ 102 کے مجموعی سکور پر ہوا، انگلش بیٹر 38 گیندوں پر 62 رنز کی جارحانہ باری کھیل کر رن آؤٹ ہو گئے۔

کپتان شاداب خان 12 گیندوں پر 12 سکور بنا کر چلتے بنے،اخلاق 0، اعظم خان صفر، آصف علی 6 رنز بنا کر ہمت ہار بیٹھے۔

اسلام آباد یونائیٹڈ کے آل راؤنڈربلے باز فہیم اشرف 28 گیندوں پر 55 رنز بنا کر آؤٹ ہوئے۔

کوئٹہ گلیڈی ایٹرز کی جانب سے شاہد آفریدی، جیمز فالکنر نے دو شکار کیے۔