پی ایس ایل7: کوئٹہ گلیڈی ایٹرز نے اسلام آباد یونائیٹڈ کو شکست دے دی

ہدف کے تعاقب میں کوئٹہ گلیڈی ایٹرز کی جانب سے جیسن روئے اور احسن علی نے ٹیم کو 88 رنز کا زبردست آغاز فراہم کیا ۔ احسن علی 30 رنز کی اننگز کھیلنے کے بعد آؤٹ ہوئے۔

پاکستان سپر لیگ (پی ایس ایل) 7 کے 18 ویں میچ میں کوئٹہ گلیڈی ایٹرز کے کپتان سرفراز احمد نے ٹاس جیت کر اسلام آباد یونائیٹڈ کے کپتان شاداب خان کو بیٹنگ کی دعوت دی تھی۔

اسلام آباد یونائیٹڈ کی طرف سے اننگز کا آغاز رحمن اللہ گرباز اور الیکس ہیلز کیا رحمن اللہ گرباز نے 13 گیندوں پر 19 رنز کی باری کھیلی۔

ایلکس ہیلز کی اننگز کا خاتمہ 102 کے مجموعی سکور پر ہوا، انگلش بیٹر 38 گیندوں پر 62 رنز کی جارحانہ باری کھیل کر رن آؤٹ ہو گئے۔

کپتان شاداب خان 12 گیندوں پر 12 سکور بنا کر چلتے بنے،اخلاق 0، اعظم خان صفر، آصف علی 6 رنز بنا کر ہمت ہار بیٹھے۔

 اسلام آباد یونائیٹڈ کے آل راؤنڈربلے باز فہیم اشرف 28 گیندوں پر 55 رنز بنا کر آؤٹ ہوئے۔

کوئٹہ گلیڈی ایٹرز کی جانب سے شاہد آفریدی، جیمز فالکنر نے دو شکار کیے۔