پاکستان سپر لیگ:کراچی کنگز کا پشاور زلمی کیخلاف ٹاس جیت کر فیلڈنگ کا فیصلہ

لاہور کے قذافی اسٹیڈیم میں آج  ڈبل ہیڈرز ہوں گے جس میں پہلا میچ کراچی اور پشاور کی ٹیموں کے درمیان کھیلا جارہا ہے جب کہ دوسرا میچ لاہور اور کوئٹہ کے درمیان ہوگا۔

کراچی کنگز کی ٹیم بابر اعظم کی قیادت میں جب کہ پشاور زلمی کی ٹیم وہاب ریاض کی کپتانی میں میدان میں اتر رہی ہے۔

پوائنٹس ٹیبل کا ذکر کریں تو کراچی کی ٹیم 5 میچز کھیل چکی ہے جس میں سے ایک میں بھی کامیابی حاصل نہیں کرسکی، کراچی کا اس وقت پوائنٹس ٹیبل میں سب سے آخری نمبر ہے۔

دوسری جانب پشاور کی جانب سے کھیلے گئے 6 میچز میں سے 4 میں کامیابی حاصل ہوئی اور یہ ٹیم اس وقت پوائنٹس ٹیبل پر پانچویں نمبر پر ہے۔