خبردار: دل سنبھال کررکھیں ورنہ جیل کی ہوا کھانی پڑسکتی ہے  

سعودی عرب کے قانون کے مطابق سماجی رابطوں کی ویب سائٹ پر کسی کو دل کا ایموجی بھیجنے پر ہراسگی  کا کیس ہوسکتا ہے ۔ جس میں دو سے پانچ سال تک  قید  ہو سکتی ہے۔ اس کے ساتھ ساتھ ایک لاکھ سعودی ریال یعنی پاکستانی چھیالیس لاکھ تک کا جرمانہ بھی ادا کرنا ہوگا ۔

سعودی اخبار کو دیے گئے ایک بیان میں، سعودی عرب میں اینٹی فراڈ ایسوسی ایشن کے رکن المعتز قطبی  کا کہنا ہے کہ آن لائن چیٹنگ کے دوران کسی دوسرے شخص کو دل اور اس  جیسے  دوسرے ایموجیز بھیجنا ہراسگی کے زمرے میں آسکتا ہے۔ دوسرے فریق کی جانب سے کیس فائل کرنے کے نتیجے میں دل بھیجنے والے (ایموجی ) کو سزا بھی ہوسکتی ہے۔

ماہرین کا کہنا ہے کہ متاثرہ فریق کی شکایت کے بعد ملزم کو دو سے تین سال کی سزا اور چھیالیس لاکھ روپے جرمانے کی سزا ہوسکتی ہے ۔ اور اگر مجرم ایک سے دوسری بار یہ حرکت کرتا پایا گیا تو اس صورت میں اسے پانچ سال جیل کی ہوا کھانے کے ساتھ ڈیڑھ کروڑ روپے کا جرمانہ بھی ادا کرنا ہوگا۔

انہوں نے ایپس کے صارفین کو خبردار کیا کہ وہ کسی بھی صارف کے ساتھ ان کی رضامندی کے بغیر بات چیت  نہ کریں اور نہ ہی  ان سے غیر مناسب گفتگو میں ملوث ہوں۔