سندھ حقوق مارچ : پی ٹی آئی رہنما میر افتخار کنٹینر سے گر کر زخمی

تفصیلات کے مطابق پاکستان تحریک انصاف  (پی ٹی آئی)  کا  سندھ حقوق مارچ جاری ہے، اسی دوران گھوٹکی کے قریب    پی ٹی آئی رہنما میر افتخار کنٹینر سے گر کر زخمی ہوگئے ۔واقعہ  اوباڑو کے قریب کنٹینر کی گرل ٹوٹنے سے واقعہ پیش آیا ہے۔ جس کے بعد زخمی سردار افتخار کو فوری طور پر ایمبولینس کے ذریعے اسپتال منتقل کردیا گیا ہے۔

خیال رہے کہ پاکستان تحریک انصاف کی جانب سے ‘سندھ حقوق مارچ’ کا آغاز آج ہوا ہے،گزشتہ روز پی ٹی آئی رہنما اسد عمر نے ٹویٹ میں کہا تھا کہ  کل گھوٹکی سے انشاءاللہ سندھ کے حقوق کے لئے تحریک انصاف کی مارچ کی ابتدا ہو گی اور 6 مارچ کو کراچی پہنچ کر ختم ہو گی۔ زرداری مافیا کا وقت اب سندھ میں بھی ختم ہونے جا رہا ہے۔ سندھ جئے سندھ وارا جئین، جیوے جیوے پاکستان

کل گھوٹکی سے انشاءاللہ سندھ کے حقوق کے لئے تحریک انصاف کی مارچ کی ابتدا ہو گی اور 6 مارچ کو کراچی پہنچ کر ختم ہو گی. زرداری مافیا کا وقت اب سندھ میں بھی ختم ہونے جا رہا ہے. سندھ جئے سندھ وارا جئین، جیوے جیوے پاکستان #سندھ_حقوق_مارچ

— Asad Umar (@Asad_Umar) February 25, 2022