لاہورہائیکورٹ بار انتخابات کے نتائج کا اعلان کر دیا گیا 

تفصیلات کے مطابق لاہورہائیکورٹ بار انتخابات کے نتائج کا اعلان کر دیا گیاہے، عاصمہ جہانگیر گروپ کے سردار اکبر ڈوگر  6 ہزار 581  ووٹوں سے لاہور ہائیکورٹ بار کے صدر منتخب ہوگئے ہیں، حامد خان گروپ کے رانا اسد اللہ خاں 3 ہزار 976  ووٹ حاصل کر سکے، سہیل شفیق چودھری 4 ہزار 743 ووٹوں کیساتھ نائب صدر لاہور ہائیکورٹ بار منتخب ہوئے۔

رائے عثمان احمد 4455 ووٹوں کیساتھ سیکرٹری لاہور ہائیکورٹ بار منتخب ہوئے، رانا علی اختر خان 4103 ووٹوں کیساتھ فنانس سیکرٹری ہائیکورٹ بار منتخب ہوگئے ہیں ۔

رانا محمد رزاق 2 ہزار 3،  میاں سردار علی گہلن1818، عبد الکریم خان 1072، عدنان طاہر خان 902ووٹ حاصل کر سکے،  میاں شبیر حسین 211، طاہر فاروق اللہ بخش لغاری 2931، میاں محمد عرفان 2938 ووٹ حاصل کر سکے جبکہ   محمد شاہ رخ شہباز 3327، رمضان منشا جٹ 385، مس فلک ناز 2055،  احسان اللہ خان نے 681 ووٹ حاصل  کیے۔