سی ٹی ڈی کے پنجاب بھر میں جاری انٹیلی جنس بیسڈ آپریشنز کے دوران چار مبینہ دہشتگرد گرفتار

تفصیلات کے مطابق ممکنہ دہشتگردی کے پیش نظر سی ٹی ڈی کے پنجاب بھر میں جاری انٹیلی جنس بیسڈ آپریشنز کے دوران چار مبینہ دہشتگردوں کو گرفتار کرلیا گیا ۔ ترجمان سی ٹی ڈی کے مطابق دہشتگردوں کا تعلق کالعدم تنظیموں سے ہے، دہشتگردوں کے قبضے سے اسلحہ، بارودی مواد اور ڈیٹو نیٹر ڈیوائسز برآمد کر لی گئی ہیں۔

ترجمان کے مطابق سی ٹی ڈی نے مختلف اضلاع میں 37 آپریشنز کیے ،اس دوران 39 مشتبہ افراد کو حراست میں لے کر تفتیش کی گئی۔ترجمان کے مطابق گجرانوالہ سے تین اورچنیوٹ سے ایک دہشتگرد گرفتار کو گرفتار کیا گیا۔گجرانوالہ سے گرفتار دہشتگردوں کی شناخت اشرف ، حبیب ،یوسف جبکہ چنیوٹ سے گرفتار ہونے والے کالعدم تنظیم کے اہم رکن کی شناخت عثمان سعید کے نام سے ہوئی ہے ۔گرفتار دہشتگرد حساس مقامات اور سکیورٹی فورسز کو نشانہ بنانا چاہتے تھے۔