شاہ سلمان بن عبدالعزیز کا تھائی لینڈ کو قرآن پاک کے 50 ہزار نسخوں کا تحفہ

غیرملکی خبر رساں ادارے کے مطابق سعودی عرب کے شاہ سلمان بن عبدالعزیز کی جانب سے تھائی لینڈ کو قرآن پاک کے 50 ہزار نسخوں کا تحفہ دیا جائے گا۔

  اسلامی امور کے وزیر اور مدینہ منورہ میں قرآن پاک کی طباعت کے کنگ فہد کمپلیکس کے جنرل سپروائزر شیخ عبداللطیف بن عبدالعزیز آل الشیخ نے میڈیا کو بتایا کہ کنگ فہد قرآن کمپلیکس میں تیار کئے گئے قرآن پاک کے یہ نسخے رمضان المبارک سے قبل تحفہ کے طور پر تھائی لینڈ کے دارالحکومت بینکاک میں سیاسی اور اسلامی شخصیات، علمائے کرام اور مبلغین کی موجودگی میں ہونے والی ایک تقریب میں پیش کئے جائیں گے۔

ان کا کہنا تھا کہ  سعودی عرب کی جانب سے قرآن پاک کا یہ عظیم تحفہ ایک اعلی پیغام کے ساتھ دونوں ممالک کے درمیان تعلقات کو فروغ دینے سے بھی ہم آہنگ ہے۔