راجن پور: انڈس ہائی وے روڈ پر ٹرالرز کے درمیان تصادم ، 2 افراد جاں بحق 

جی این این  کے  مطابق   تصادم کا یہ افسو ناک  واقعہ  فاضل پور چوک انڈس ہائی وے روڈ پر پیش آیا ہے۔حادثے کے نتیجے میں  2  افراد موقع پر جان کی بازی ہار گئے جبکہ  3افراد شدید زخمی  ہوئےہیں  ۔

حادثے کی اطلاع ملتے ہی ریسکیو ٹیمیں پہنچ گئیں اور لاشوں ، زخمیوں کو تشویشناک حالت میں ڈسٹرکٹ ہسپتال منتقل کر دیا گیا ۔ 

ریسکیو کے مطابق جاں بحق ہونے والے دو سگے بھائی تھے جو پشاور سے کراچی جا رہے تھے ۔ جاں بحق  افراد کی شناخت سعید خان ،والی جان کے نام سے ہوئی جو پشاور کے رہائشی تھے ۔  

ریسکیو کے مطابق  حادثہ ڈرائیور کو نیند آنے کے باعث پیش آیا ۔