عدم اعتماد پر آج لیڈر شپ کے اجلاس میں فیصلہ ہو جائیگا: خورشید شاہ

تفصیلات کے مطابق اسلام آباد میں سربراہ جمعیت علمائے اسلام (جے یو آئی) مولانافضل الرحمان اور خورشید شاہ نے مشترکہ پریس کانفرنس کی۔

اس موقع پر خورشید شاہ کا کہنا تھا کہ آج شام کو میٹنگ میں سب طے ہو جائے گا، تحریک عدم اعتماد جلد آئے گی، آج لیڈر شپ کے اجلاس میں فیصلہ ہوجائے گا، کراچی سے اسلام آباد تک محنت کی ہے، عمران خان کے جانے کیلئے ہی محنت کی ہے۔

میڈیا سے گفتگو میں مولانا فضل الرحمان کا کہنا تھا کہ قوم کو امیدوں کے مطابق نتائج حاصل ہوں گے ، مشترکہ ضرورتوں کے تحت ماضی کو  بھولنا بھی پڑتا ہے ،جن حالات سے گزر رہے ہیں شاید عوام بھی پرانی یادیں دہرانا پسند نہیں  کریں گے۔

مو لانا فضل الرحمان نے کہا ہے کہ عدم اعتماد 48گھنٹے سے پہلے ہوجائے گی، یہ ہے وہ اصل عمران جو گلی کوچوں میں بازاری زبان استعمال کرتاہے، وہ ہوتا کون ہے جو ہم کو دھمکیاں دیتاہے۔