پاکستان ریلویزنے جدید آن لائن پریمیئم کنٹینر ٹرین کا آغاز کردیا

تفصیلات کے مطابق  پاکستان ریلویز  کیجانب سے کراچی اور لاہور کے درمیان پریمیئم کنٹینر ٹرین کا آغاز  کیا گیا۔مہینے میں چھ ٹرینیں 1، 6، 11، 16، 21 اور 26 کو  کراچی سے لاہور جبکہ 3، 8، 13، 18، 23 اور 26 کو لاہور سے واپس کراچی روانہ کی جائینگی۔کراچی تا لاہور پریمیئم کنٹینر ٹرین کا دورانیہ 32 گھنٹے مقرر کیا گیا ہے جس کو سخت طریقے سے مانیٹر کیا جائیگا ، تاخیر کی صورت میں محکمہ  پارٹیوں کو ری فنڈنگ ادا کرے گا۔

پاکستان ریلویز کے مطابق   پریمیئم کنٹینر ٹرین 30 ویگنوں پر مشتمل ہوگی اور ایک ویگن کی کم از کم بکنگ کی قیمت 125,000 روپے مقرر کی گئی ہے۔اس حساب سے پاکستان ریلوے کو ہر مہینے کم از کم 22.5 ملین روپے کی آمدنے متوقع ہے اگر ہر ویگن اپنے کم سے کم ریٹ پر ہی بک ہو۔

ڈویژنل سپرنٹنڈنٹ پاکستان ریلوے کا کہنا ہے کہ  ریلوے فریٹ بیٹری میں پریمیئم کنٹینر ٹرین کی شمولیت ایک اہم قدم ہے اور باقی فریٹ ٹرینوں کو بھی اسی طرز پر منتقل کیا جائیگا، شفافیت، وقت کی پابندی، آمدنی میں اضافہ اور بہترین سروس مہیا کرنا اس پریمیئم ٹرین کے چار اہم مقاصد ہیں، ڈویژنل سپرنٹنڈنٹ۔

ڈپٹی ڈی ایس آپریشن کراچی اور لاہور کو پریمیئم کنٹینر ٹرین کا کراچی اور لاہور میں فوکل پرسن تعینات کیا گیا ہے۔