قومی  کرکٹر کائنات امتیاز رشتہ ازدواج میں منسلک

تفصیلات کے مطابق قومی ویمن کرکٹ ٹیم کی کھلاڑی کائنات امتیاز نکاح  کے بندھن میں بندھ گئیں، ان کے نکاح کی تقریب کراچی میں منعقد ہوئی جبکہ رخصتی 30 مارچ کو ہوگی۔

سماجی رابطے کی ویب سائٹ ٹویٹر پر کائنات امتیاز نے اپنے نکاح کی تصاویر شیئر کیں۔ انہوں  نے تصاویر کے ساتھ عنوان میں لکھا کہ ’ماشا اللہ مسٹر اور مسز وقار الدین سے ملیے۔

کائنات امتیاز نے ٹویٹر پر پوسٹ شیئر کرتے ہوئے الحمدللہ، نکاح یافتہ اور واکا ویڈنگ کے ہیش ٹیگ بھی لگائے۔انہوں نے مداحوں سے دعاؤں کی درخواست بھی کی۔

Nikkahfied ♥️
Meet Mr & Mrs Waqar uddin ??
MashALLAH ?#wakawedding #allhumdulilah #nikkahfied

Please say MashALLAH ? pic.twitter.com/h4PUz8YkXH

— Kainat Imtiaz (@kainatimtiaz16) March 26, 2022

سوشل میڈیا پر کائنات کے نکاح  کی تصاویر بھی شئیر کی گئیں جبکہ  ساتھی کھلاڑیوں کی جانب سے تہنیتی پیغامات بھی بھیجے جارہے ہیں ۔ 

قومی ٹیم نیوزی لینڈ میں جاری آئی سی سی ویمنز ورلڈکپ سے واپسی کے بعد کائنات کی رخصتی میں شریک ہوگی۔