نئی آئی سی سی پلیئرز رینکنگ میں امام اور شاہین کے لیے بڑی خوشخبری

تفصیلات کے مطابق آئی سی سی کی جانب سے جاری نئی رینکنگ میں آسٹریلیا کے خلاف سیریز میں اچھی کارکردگی کی بدولت  امام الحق اور شاہین شاہ آفریدی نے لمبی چھلانگ لگائی ہے۔

آئی سی سی کی جانب سے جاری اعداد و شمار کے مطابق ٹیسٹ باؤلنگ کی رینکنگ میں شاہین شاہ آفریدی کی 1 درجےترقی ہوئی ہے جس کے بعد وہ چوتھے نمبر پر آگئے ہیں جبکہ جنوبی افریقہ کے کگیسو ربادا 2 درجے تنزلی کی بعد پانچویں نمبر پر چلے گئے ہیں، آسٹریلیا کے پیٹ کمنز کا پہلا نمبر برقرار ہے،بھارت کے روی چندرن ایشون رینکنگ میں دوسرے نمبر پراور جسپریت بمرا ایک درجے ترقی کے بعد تیسرے نمبر پر آ گئے ہیں۔

انٹرنیشنل کرکٹ کونسل کی جانب سے جاری نئی ٹیسٹ پلیئرز رینکنگ کے مطابق بیٹرز میں آسٹریلیا کے مارنس لابو شین پہلی پوزیشن پر قرار ہیں،اسٹیو اسمتھ کا دوسرا،نیوزی لینڈ کے کین ولیمسن کا تیسرا،انگلینڈ کے جو روٹ کا چوتھا جبکہ پاکستان کے بابر اعظم کا پانچواں نمبر ہے۔

? Shaheen Afridi continues to climb
? Imam-ul-Haq makes significant gains

Pakistan players make major movements in the @MRFWorldwide ICC Men's Player Rankings for ODIs and Tests after #PAKvAUS series ?

Details ? https://t.co/zoY06jyBJ3 pic.twitter.com/dxVyiF78oK

— ICC (@ICC) April 6, 2022

جاری اعداد و شمار کے مطابق ون ڈے بیٹنگ رینکنگ میں پاکستان کے کپتان بابراعظم کی پہلی پوزیشن پہلےسے بھی زیادہ مضبوط ہو گئی ہے۔ بابر اعظم کے پوائنٹس اضافے کے بعد 891 ہو چکے ہیں جبکہ بھارت کے مایہ ناز بیٹر ویرات کوہلی 811 پوائنٹس کے ساتھ دوسرے نمبر پر ہیں۔

امام الحق کے رینکنگ 746 پوائنٹس سے 795 پوائنٹس ہوگئی ہے۔ امام الحق اس سے پہلے ریکنگ میں دسویں نمبر پر تھے جو کہ اب 7 درجے بہتری کے ساتھ تیسرے نمبر پر آ چکے ہیں۔