ن لیگ ارکان کی نعرے بازی، جمائما کو بھی ”پرانا پاکستان” یاد آگیا

چیئرمین پاکستان تحریکِ انصاف عمران خان کے وزیراعظم پاکستان کے منصب سے برطرفی کے بعد سابق اہلیہ جمائما گولڈاسمتھ نے کو بھی پرانا پاکستان یاد آیا۔

جمائما کو پرانا پاکستان، ن لیگی ارکان کی نعرے بازی سے یاد آیا۔ لندن میں ن لیگی ارکان نے ایون فیلڈ اپارٹمنٹ کے باہر کھڑے ہو کر ، جمائما اور عمران خان کے بیٹوں کا نام لے کر نعرے بازی کی اور عمران خان کو نشانہ بنایا۔

جس کی ویڈیو ن لیگی ارکان نے ہی ٹوئٹر پر شئیر کی اور جمائما نے اس پر ردعمل دیتے ہوئے کوئی تبصرہ تو نہیں کیا، لیکن ہیش ٹیگ پرانا پاکستان کا استعمال ضرور کیا۔ اس ٹوئٹ میں مریم نواز اور عمران خان کو بھی ٹیگ کیا گیا تھا۔

Crowd infront of Avenfield chanting “Terrain’s dad is a thief, Qasim dad’s is a thief, Salman’s dad is a thief” terrain is Imran khan’slovechild which @ImranKhanPTI doesn’t own even after a New York court’s ruling. @Jemima_Khan. #PakistanWins #Article6ForImranKhan@MaryamNSharif pic.twitter.com/mbmLXqdpNo

— Santosh Kumar Bugti (@Santoshkpmln) April 10, 2022

شئیرکردہ  ویڈیو میں سنا جا سکتا ہے کہ ’ایون فیلڈ کے سامنے لوگ قاسم اور سلمان کا باپ چور ہے کے نعرے لگا رہے ہیں۔

گزشتہ روز جمائمہ کے بھائی بین گولڈ اسمتھ نے اپنے ٹوئٹ میں عمران خان کو ’اچھا اور معزز آدمی‘ قرار دیتے ہوئے لکھا تھا کہ عمران خان صرف اپنے ملک کیلئے اچھے سے اچھا کرنے کی شدید خواہش رکھتے ہیں۔ اور انہیں ایک عالمی لیڈر بھی قرار دیا۔

My brother-in-law @ImranKhanPTI is a good and honourable man, motivated only by a strong desire to do good by his country. His record as PM is exceptional, most of all on the biggest issue of our time: Pakistan under Imran is now a world leader on environmental restoration.?

— Ben Goldsmith (@BenGoldsmith) April 9, 2022

جبکہ جمائما کے دوسرے بھائی نے عمران خان کی بھاری اکثریت سے واپسی کی پیشگوئی بھی کی ہے، انہوں نے ٹوئٹ میں لکھا کہ عمران خان ایک اچھے اور مہذب آدمی ہیں، وہ عالمی سطح پر سب سے کم کرپٹ سیاستدانوں میں سے ایک ہیں۔

Sad to see last night’s events in Pakistan.
Imran Khan is a good and decent man, one of the least corruptible politicians on the world stage.
I have no doubt he will be returned with a big majority in the upcoming elections.

— Zac Goldsmith (@ZacGoldsmith) April 10, 2022

یاد رہے 2015 میں عمران خان نے انٹرویو میں بتایا تھا کہ ان کی جمائمہ خان سے علیحدگی میں بھی مسلم لیگ ن کا ہاتھ تھا ، مسلم لیگ ن نے جمائما خان پر ایک جھوٹا کیس کردیا تھا جس کی وجہ سے وہ 9 مہینے پاکستان سے باہر رہیں جبکہ اس وقت ان کے ہاں دوسرے بچے کی پیدائش بھی متوقع تھی، ایک طرف کیس کردیا تو دوسری طرف یہودی لابی کا ٹیگ بھی لگا دیا، جس سے وہ ڈر گئیں اور پاکستان واپس نہیں آ سکیں۔