پاکستان تحریک انصاف آج اٹک میں پاور شو کرے گی 

جی این این کے مطابق پاکستان تحریک انصاف کی جانب سے  جلسے کیلئے تیاریاں جاری  ہیں ، چئیرمین تحریک انصاف عمران خان جلسہ عام سے خطاب کریں گے ۔ عمران خان کے خطاب کے لیے 40 فٹ اونچا 40 فٹ چوڑا 80 فٹ لمبا  اسٹیج تیار کیا جارہا ہے جبکہ اسٹیج کے سامنے کانٹے دار تار بچھا دی گئی ہے ۔ 

ضلع اسٹیڈیم گراؤنڈ کا رقبہ 100 کنال ہے اور اس میں 15 ہزار کے قریب کرسیاں لگائی جارہی ہیں ۔ تحریک انصاف کا کہنا ہے جلسہ گاہ میں عوام کا جم غفیر آئے گا اور عمران خان کا اٹک کی عوام تاریخی استقبال کرے گی۔ 

جلسے کیلئے سیکورٹی کے فول پروف انتظامات بھی کیے گئے ہیں اور  500 کے قریب سیکورٹی اہلکار تعینات کردیے گئے ۔ 

یاد رہے کہ سابق وزیراعظم عمران  خان نے ایک روز قبل جہلم میں بھی  جلسے سے خطاب کیا تھا۔