پاکستان نے ڈرونز کے ذریعے موٹرویز، ہائی ویز پر ٹریفک خلاف ورزیوں کی نگرانی شروع کردی

اسلام آباد : نیشنل ہائی وے اینڈ موٹروے پولیس (این ایچ ایم پی) نے ٹریفک کی جانچ اور سڑکوں پر گشت کرنے کے لیے  ڈرونز استعمال کرنے کا منصوبہ بنالیا ۔

تفصیلات کے مطابق  موٹروے پولیس نے بڑی تعداد میں  ڈرون خریدے ہیں اور ٹریفک کی خلاف ورزیوں اور ٹریفک کے بہاؤ کی تحقیقات کے لیے ڈرونز کو استعمال کرنے کا آغاز کر دیا ہے۔

موٹروے آفیشل کے مطابق ایم 9 ہائی وے سے ڈرون ٹیکنالوجی کے استعمال سے ٹریفک کی نقل و حرکت پر نظر رکھی جائے گی۔

یہ اقدام نیشنل ہائی ویز اور موٹر ویز پولیس کی خدمات کو اپ گریڈ کرنے اور ان میں ترمیم کرنے کے لیے پانچ سال کے منصوبے کا ایک جزو ہے۔

ڈرون  اہم جگہوں کی  میں استعمال میں لایا جائیگا ،  شاہراہوں پر گشت کے لیے ڈرون کی نگرانی  کم خرچ  ہے ، خاص طور پر مشکل سے پہنچنے والی جگہوں پر یہ بہتر انداز میں کام آتا ہے ۔

موٹر وے کی پولیس کے مطابق، ڈرون ٹیکنالوجی کی جانچ کے طریقہ کار، موٹر ویز اور ہائی ویز پر گشت کرنے کے لیے ہے ۔