پنجاب حکومت کاصوبے میں دفعہ 144نافذ کرنے کااعلان 

تفصیلات کے مطابق رہنمامسلم لیگ (ن) عطا تارڑ نے نیوزکانفرنس کرتے ہوئے کہا ہے کہ  پنجاب میں دفعہ 144 کا نفاذ کیا جارہا ہے ، اطلاعات ہیں کہ لانگ مارچ کے شرکاءکے پاس اسلحہ بھی ہے۔ عمران خان پشاور میں بیٹھ کرلانگ مارچ کی قیادت کررہے ہیں ۔ 

 انہوں نے کہا کہ عمران خان ملک میں انتشار پھیلاناچاہتے ہیں، کسی کوقانون ہاتھ میں لینےکی اجازت نہیں ہوگی۔  لیگی رہنما نے کہا کہ عوام اور سرکاری املاک کی سکیورٹی کیلئے پلان مرتب کرلیا، معیشت خود تباہ کی،اب لانگ مارچ کیوں کررہے ہیں؟

اس سے قبل محکمہ داخلہ سندھ نے صوبے میں ایک ماہ کیلئے دفعہ 144نافد کردی ، سندھ بھر میں جلسے، جلوس ،ریلیوں اور عوامی اجتماعات پر مکمل پابندی عائد کر دی گئی ہے, خلاف ورزی کرنے والوں کے خلاف دفعہ 144 کے تحت کاروائی کی جائے گی ، محکمہ داخلہ سندھ نے دفعہ 144 کے نفاذ سے متعلق نوٹیفیکیشن جاری کر دیا۔