چودھری شجاعت حسین کے بھتیجے حسین الٰہی نے ق لیگ چھوڑ دی

تفصیلات کے مطابق چودھری  شجاعت حسین کے چھوٹے بھائی چودھری وجاہت کے صاحبزادے ممبر قومی اسمبلی حسین الہیٰ نے ق لیگ چھوڑنے کا اعلان کر دیا ہے۔

سماجی رابطے کی ویب سائیٹ ٹوئیٹر پر جاری پیغام میں حسین الٰہی نے کہا کہ اس جماعت میں نہیں رہ سکتا جو شہبازشریف کو سپورٹ کرتی ہے۔

انہوں نے کہا کہ میں ق لیگ کے ساتھ اپنا سیاسی سفرختم کررہا ہوں، ہمیشہ یہی کہا ہےکہ میرے لیے میرا ملک سب سے پہلے ہے،مستقبل کی سیاست کا فیصلہ مونس الہیٰ کے ساتھ کروں گا۔

Ive always said my country is first for me and keeping that in mind I have decided that my political journey with PMLQ must come to an end.Will be deciding my political future with @MoonisElahi6 but cannot be in a party that supports Shehbaz Sharif led Imported Government.

— Hussain Ellahi (@EllahiHussain) June 8, 2022

اس قبل ایک خبر سامنے آئی تھی جس کے مطابق چودھری برادران نے بھی اپنی سیاسی راہیں جدا کرنے کا فیصلہ کر لیا ہے، ذرائع کے مطابق چودھری شجاعت حسین نے ق لیگ کی الگ حیثیت برقرار رکھتے ہوئے حکومتی اتحاد میں شامل رہنے کا فیصلہ کیا ہے جبکہ چودھری پرویز الٰہی اپنے بیٹوں ہمراہ تحریک انصاف کی سپورٹ جاری رکھیں گے۔