عامر لیاقت کے انتقال پر صدر، وزیراعظم  سمیت سیاسی شخصیات کا اظہارتعزیت

وزیرِاعظم شہباز شریف نے عامر لیاقت حسین کے انتقال پر اظہارِ افسوس کرتے ہوئے اُن کے لیے دعائے مغفرت کی۔

صدر مملکت ڈاکٹر عارف علوی نے لیاقت کی ناگہانی موت پر گہرے دکھ اور افسوس کا اظہار کیا ہے۔ ٹوئٹر پر جاری بیان میں انہوں نے مرحوم کی مغفرت اور بلند درجات کے لیے دعا کی ہے۔

صدر مملکت ڈاکٹر عارف علوی کا ممبر قومی اسمبلی عامر لیاقت حسین کی ناگہانی موت پر اظہار افسوس

صدر مملکت کی مرحوم کیلئے دعائے مغفرت، بلندی درجات کی دعا

صدرمملکت کا مرحوم کے اہل خانہ سے اظہار ہمدردی اور صبر جمیل کی دعا

— The President of Pakistan (@PresOfPakistan) June 9, 2022

وزیر خارجہ بلاول بھٹو زرداری نے کہا کہ عامر لیاقت حسین نے صحافت سے سیاست تک متحرک زندگی گزاری۔ عامر لیاقت نے زندگی کے مختلف شعبہ جات میں اپنی صلاحیتوں کا لوہا منوایا۔ اُنہوں نے مزید کہا کہ عامر لیاقت حسین کے انتقال کی خبر سے سخت صدمہ ہوا۔

پاکستان پیپلزپارٹی کے چیئرمین اور وزیرخارجہ بلاول بھٹو زرداری کا رکن قومی اسمبلی ڈاکٹر عامر لیاقت حسین کے انتقال پر اظہار افسوس

ڈاکٹر عامر لیاقت حسین نے صحافت سے لے کر سیاست تک ایک متحرک زندگی گزاری، چیئرمین بلاول بھٹو زرداری@BBhuttoZardari

— PPP (@MediaCellPPP) June 9, 2022

پاکستان تحریک انصاف کے رہنما اور سندھ کے سابق گورنر عمران اسماعیل نے کہا کہ پاکستان تحریک انصاف کے سیاسی سفر میں عامر لیاقت نے اہم کردار ادا کیا۔

انہوں نے کہا کہ عامر لیاقت نے پارٹی سے استعفیٰ دینے کے بعد بھی ان کے پارٹی اراکین کے ساتھ ہمیشہ اچھے تعلقات رہے۔

سابق وزیر داخلہ شیخ رشید نے بھی رکن قومی اسمبلی کے اچانک انتقال پر افسوس کا اظہار کیا اور ان کے اہل خانہ کے لیے صبر کی دعا کی ہے۔

عوامی مسلم لیگ کے سربراہ اور سابق وفاقی وزیر داخلہ شیخ رشید احمد کا عامر لیاقت حسین کے انتقال پر گہرے دکھ اور رنج کا اظہار۔ اللہ تعالیٰ عامر لیاقت حسین کی مغفرت کرے اور لواحقین کو صبر جمیل عطا کرے۔

— Sheikh Rashid Ahmed (@ShkhRasheed) June 9, 2022

وزیر اعلیٰ سندھ سید مراد علی شاہ کا نے بھی عامر لیاقت کے انتقال پر گہرے دکھ کا اظہار کیا ہے۔

پاکستان تحریک انصاف کے سینیٹر فیصل جاوید خان نے عامر لیاقت کے اہل خانہ سے تعزیت کی ہے۔انہوں نے کہا کہ اللہ تعالیٰ ان کی مغفرت عطا فرمائے اور ان کے اہل خانہ اور عزیز ق اقارب اور چاہنے والوں کو صبر جمیل عطا فرمائے۔

اللہ تعالیٰ عامر لیاقت کی مغفرت فرمائے اور انکے خاندان اور عزیز و اقارب اور چاہنے والوں کو صبرِ جمیل عطا فرمائے آمین pic.twitter.com/h3kEp3b8Am

— Faisal Javed Khan (@FaisalJavedKhan) June 9, 2022

واضح رہے کہ  رکن قومی اسمبلی  عامر لیاقت حسین  49 برس کی عمر میں کراچی میں انتقال کر گئے، اسپتال میں ڈاکٹرز نے اُن کی موت کی تصدیق کی ہے۔

عامر لیاقت حسین کو تشویشناک حالت میں اسپتال منتقل کیا گیا تھا جہاں ڈاکٹرز نے معائنے کے بعد انتقال کی تصدیق کی، جبکہ ان کے ڈرائیور جاوید نے پہلے ہی موت کی تصدیق کردی ہے ۔ ڈاکٹرز کا کہنا ہے کہ عامر لیاقت حسین کو جب اسپتال لایا گیا تو وہ انتقال کر چکے تھے، عامر لیاقت کا پوسٹ مارٹم کرایا جائے گا۔

واضح رہے کہ عامرلیاقت حسین 5 جولائی 1971 کو پیدا ہوئے ، عامر لیاقت حسین نے پاکستان کے نجی ٹی وی چینل سے ایک مذہبی پروگرام سے اپنے کریئر کا آغاز کیا تھا۔

وہ سیاسی سطح پر بھی کراچی میں بے حد  مقبول رہے اور متحدہ قومی موومنٹ کے ٹکٹ پر رکن اسمبلی منتخب ہوئے،  وہ  2002 سے 2007 تک قومی اسمبلی کے ممبر رہے ۔ عامرلیاقت حسین مشرف دور میں وزیرمملکت بھی رہے، 2018 میں  وہ تحریک انصاف  کے ٹکٹ پر رکن قومی اسمبلی منتخب ہوئے۔

عامر لیاقت حسین گزشتہ کچھ عرصے سے نجی زندگی میں شدید مسائل سے دوچار تھے اور ان کی تیسری شادی کا اختتام بھی طلاق پر ہوا تھا۔