ڈاکٹر عامر لیاقت کے انتقال پر تیسری اہلیہ دانیہ شاہ کا پیغام سامنے آ گیا

کراچی: تحریک انصاف کے رہنما عامر لیاقت آج کراچی میں انتقال کر گئے ۔جس کے بعد ان کی تیسری بیوی دانیہ شاہ کی جانب سے فوری ردعمل دیکھنے میں آیا۔

 سماجی رابطے کی سایٹ ٹویٹر پر سیدہ دانیہ شاہ  سے منسوب اکاؤنٹ میں انہوں نے  لکھا کہ “زندگی بہت غیریقینی ہے، ہم چاہتے کچھ ہیں، کسی چیز کی منصوبہ بندی کرتے ہیں اور ملتا کچھ اورہے’۔

Life is so unpredictable...We desire something, plan something and get something else .... #amirliaquat

— Syeda Dania Shah (@SyedaDaniaShah) June 9, 2022

ایک اور ٹویٹ میں انہوں نے کہا کے مجھے یقین نہیں آرہا۔

عامر لیاقت کے انتقال کے بعد دانیہ شاہ کو تنقید کا نشانہ بھی بنایا جا رہا ہے۔ایک اور ٹویٹ پر انہوں نے ریٹویٹ کیا ہوا ہے کہ جو مرضی ہو قصور وار عورت کو ہی سمجھا جاتا ہے۔

واضح رہے کہ معروف مذہبی اسکالراور تحریک انصاف کے منحرف رکن آج کراچی میں انتقال کرگئے۔ابتدائی اطلاعات کے مطابق وہ اپنے کمرے میں مردہ پائے گئے، ان کی رہائش کراچی کے علاقے خداد داد کالونی میں تھی۔

یاد رہے کہ دانیہ شاہ نے عامرلیاقت کےخلاف خلع کا دعویٰ دائر کر رکھاہے ۔عامر لیاقت اور دانیہ شاہ میں سنگین اختلاف چل رہے تھے۔ دانیہ شاہ نے عامر لیاقت پر سنگین الزمات بھی عائد کیے اور ان کا دعویٰ تھاکہ ان کے شوہرکئی کئی روزتک انہیں کمرے میں بندرکھتے، ساری ساری رات جگاتے اور کھانا تک نہیں دیتے تھے، انہیں بہت ذلیل و خوارکیاگیا کہ لگنے لگاتھاوہ کسی گناہ کی سزا کاٹ رہی ہیں۔