کورونا وائرس سے نبردآزما شمالی کوریا میں ایک اوروبا پھوٹ پڑی 

عالمی وبا کورونا وائرس کےعلاوہ شمالی کوریا میں ایک اور متعدی بیماری رپورٹ ہو ئی ہے ۔  خبر رساں ایجنسی  کے مطابق  شمالی کوریا کے سرکاری میڈیا میں بتایا گیا ہے کہ شمالی کوریا کے رہنما کم جونگ اُن نے بدھ کے روز مغربی بندرگاہی شہر ہیجو میں آنتوں کی شدید وبا میں مبتلا مریضوں کیلئے دوائیں بھیجوائیں ۔

مریضوں  کی تعداد اور اس بیماری  کی نوعیت کے حوالے سے تفصیلات جاری نہیں کی  گئیں۔

شمالی کوریا کے سرکاری میڈیا کے مطابق  شمالی کوریا کے صدر نے  اُن  تمام مشتبہ مریضوں کو قرنطینہ میں رکھ ک، وبائی امراض کے معائنے اور ٹیسٹوں کے ذریعے کیسز کی تصدیق کر کے اس وبا کے پھیلاؤ کو جلد از جلد روکنے کی ضرورت پر زور دیا ہے ۔

خیال رہے کہ شمالی کوریا میں آج  مزید 26,010 افراد میں بخار کی علامات رپورٹ ہوئی ہیں ، اپریل کے آخر سے ملک بھر میں بخار میں مبتلا مریضوں کی کل تعداد 4.56 ملین کے قریب ریکارڈ کی گئی۔ اس وباء سے اموات  کی تعداد 73 ہوگئی ہے۔

شمالی کوریا کا شہر پیانگ یانگ روزانہ بخار کے مریضوں کی تعداد کی رپورٹ جاری کرتا ہے  جن میں کورونا وائرس کی تصدیق نہیں ہو سکی جس کی بظاہر وجہ ٹیسٹنگ کٹس کے عدم دستیابی ہے۔

گوچن یونیورسٹی گل میڈیکل سنٹر کے متعدی امراض کے ماہر ایوم جونگ سک نے کہا کہ اگرچہ فصلوں کے ذریعے غیر متعینہ بیماری کے پھیلنے کے امکانات بہت کم دکھائی دیتے ہیں ، لیکن جراثیم کش  پانی کی فراہمی  اس میں فائدہ مند ہوگی ۔