تیزرفتار کار اور موٹر سائیکل میں تصادم ، ایک شخص جاں بحق ،2 زخمی  

جی این این کے مطابق افسوس ناک حادثہ فتح جنگ کوہاٹ روڈ گلیال سٹاپ کے قریب پیش  آیا ، جہاں  تیز رفتار کار اور موٹر سائیکل میں تصام سے 1 شخص جان کی بازی ہار گیا جبکہ  2 شدید زخمی ہیں ۔ 

حادثے کی اطلاع ملتے ہی ریسکیو ٹیمیں موقع پر پہنچ گئیں ،  حادثہ میں  موٹر سائیکل سوار کوٹ فتح خان کا رہائشی 46 سالہ شیر خان کو سر پر گہری چوٹ لگنے کی وجہ سے موقع پر جاں بحق ہوگیا ۔

ریسکیو کے مطابق  زخمیوں کی شناخت   35 سالہ مصدق ولد مختیار اور 40 سالہ عبدالغفور ولد غلام نبی کے نام سے ہوئی  ہیں ۔ ریسکیو نے لاش اور زخمیوں کو تحصیل ہسپتال فتح جنگ منتقل کر دیا۔