امپورٹڈ حکومت کے ترمیم شدہ نیب قانون نے احتساب کو دفن کردیا : عمران خان 

تفصیلات کے مطابق سماجی رابطے کی ویب سائٹ ٹوئٹر پر جاری پیغام میں عمران خان نے لکھا کہ حکومت تبدیل کرنے کی امریکی سازش کے ذریعے محض مجرموں کے اس ٹولے کو ایک اور این آر او دینے کے لیے پاکستان کی پوری معشیت ، سیاسی نظام کو پٹری سے اتارا گیا۔ان کاکہنا تھا کہ  اس کی تصدیق ن لیگ کے خرم دستگیر کر چکے ہیں۔

انہوں نے کہا کہ ایسے میں جب ہماری معیشت مستحکم ہونے کے بعد 6 فیصد  پائیدار ترقی کیجانب بڑھ رہی تھی،منصوبہ سازوں نےمحض ان مجرموں کو این آر او -دوم دینے کیلئے معیشت کو تباہی کےگڑھے میں پھینک کر اور ہمارے لوگوں پر مہنگائی کا ایک بم گرا کر پاکستان کو عدمِ استحکام سے دوچار کرنا مناسب جانا۔

ایسے میں جب ہماری معیشت مستحکم ہونے کے بعد 6%کی پائیدار ترقی کیجانب بڑھ رہی تھی،منصوبہ سازوں نےمحض ان مجرموں کو NRO-دوم دینے کیلئے معیشت کو تباہی کےگڑھے میں پھینک کر اور ہمارے لوگوں پر مہنگائی کا ایک بم گرا کر پاکستان کو عدمِ استحکام سے دوچار کرنا مناسب جانا۔

— Imran Khan (@ImranKhanPTI) June 20, 2022

عمران خان نے پیغمبر اسلام  حضرت محمد مصطفی  صلی اللہ علیہ وسلم کا حوالہ دیتے ہوئے لکھا کہ  ان کے فرمان کا مفہوم ہے کہ تباہی ان معاشروں کا مقدر بنتی ہے جہاں کمزور کی پیٹھ پر تو تعزیز کا کوڑا برستا ہے مگر طاقتور قانون کی پہنچ سے دور رہتے ہیں۔ 

انہوں نے کہا کہ آج نیب کے اس ترمیم شدہ قانون کے ساتھ ہم وائٹ کالر کرائم کے مجرموں کو احتساب سے مبرا کرتے ہوئے تباہی کی جانب بڑھ رہے ہیں۔ 

عمران خان نے مزید کہا  کہ  اس سے مجرم مافیا کو این آر او ٹو ملے گا اور نیب کے زیر تفتیش 1200 ارب میں سے 1100 ارب روپے کے مقدمات اب نیب کے دائرہ اختیار سے نکل جائیں گے۔

سابق وزیراعظم کے بقول تاریخ پاکستان کے خلاف سازش کرنے والوں کو فراموش کرے گی اور ہی نہ کبھی معاف کرے گی۔

اس مجرم مافیا کو NRO-دوم ملے گا اور نیب کے زیرِتفتیش 1200 ارب میں سے1100ارب مالیت کےمقدمات اب نیب کے دائرۂ کار سے نکل جائیں گے۔تاریخ پاکستان کیخلاف اس سازش کے منصوبہ سازوں+اسےکامیاب بنانےوالوں کو فراموش کرے گی نہ ہی کبھی معاف کرے گی۔

— Imran Khan (@ImranKhanPTI) June 20, 2022

واضح  رہے کہ  پاکستان تحریک انصاف نے آج  نیب قانون میں ترمیم کے خلاف  یومِ سیاہ منانے کا اعلان بھی کر رکھا ہے ۔