بلوچستان میں سیلاب سے جاں بحق افرادکی تعداد 136 سے تجاوز کرگئی

قدرتی آفا ت سے پیدا ہونے والی صورتحال سے نمٹنے کے قومی ادارے کی طرف سے جاری کردہ ایک رپورٹ کے مطابق جاری شدید بارشوں اور سیلابوں سے مجموعی طور پر تیرہ ہزار 535 مکانات تباہ یا انہیں جزوی طور پر نقصان ہوا ہے۔

پی ڈی ایم اے کے مطابق جاں بحق ہونے والوں میں 56 مرد 33 خواتین اور 47 بچے شامل ہیں، اموات  بولان، کوئٹہ، ژوب، دکی، خضدار میں ہوئی ، اموات کوہلو، کیچ، مستونگ، ہرنائی، قلعہ سیف اللہ اور سبی میں ہوئیں ۔ 

پی ڈی ایم اے کا کہنا ہے کہ بارشوں کے باعث مختلف مقامات پر 16 پل ٹوٹ چکے ہیں، بارشوں سے 23 ہزار 13 مال مویشی مارے گئے ہیں ۔ 

سیلابوں اور بارشوں سے چھ سو چالیس کلومیٹر طویل چھ شاہراہیں بری طرح متاثر ہوئی ہیں ۔  مجموعی طور پر 19 لاکھ 79 ہزار 30 ایکڑ زمین پر کھڑی فصلیں تباہ ہوگئیں ، سولر پلیٹس، ٹیوب ویلز اور بورنگ کو نقصانات پہنچا ہے۔ 

صوبے میں تمام متاثرہ علاقوں میں وسیع پیمانے پر امداد اور بحالی کی کارروائیاں جاری ہیں۔