اجے دیوگن کی پٹائی، اداکار کا اہم بیان سامنے آگیا

تفصیلات کے مطابق کچھ روز قبل دہلی میں دوگرہوں میں ہونے والی لڑائی کی خبر سوشل میڈیا پر تیزی سے وائرل ہوئی جس سے لوگوں کی جانب سے یہ عندیہ دیا جا رہا تھا کہ ا جھگڑے میں بھارتی اداکار اجے دیوگن بھی موجود تھے۔

بھارتی نیوز چینل پر چلنے والی جھگڑے کی ویڈیو سے متعلق صارفین کی قیاس آرائیاں ہیں کہ اس میں جس شخص کو مارا پیٹا جارہا ہے وہ کوئی اور نہیں بلکہ اجے دیوگن ہیں۔

Some ‘doppelgänger’ of mine seems to have got into trouble.
I’ve been getting concerned calls. Just clarifying, I’ve not traveled anywhere. All reports regarding me being in any brawl are baseless. Happy Holi

— Ajay Devgn (@ajaydevgn) March 29, 2021

ان قیاس آرائیوں سے متعلق  اداکار  اجے دیوگن نے اپنے ٹویٹر پر جاری ایک بیان میں بتایا کہ ایسا لگتا ہے کہ میرے کچھ ہم شکل مشکل میں پڑگئے ہیں، مجھے اس حوالے سے فکر مند کالز موصول ہوئی ہیں۔اجے دیوگن نے مزید لکھا میں صرف یہ واضح کرنا چاہتا ہوں کہ میں نے کہیں بھی سفر نہیں کیا ہے، مجھ سے متعلق کسی بھی جھگڑے کی خبریں بے بنیاد ہیں ۔