سال2022 کا سُپر مون آج آخری بار دیکھا جاسکے گا

ماہرین فلکیات   کے مطابق آج سال کا سُپر مون آخری بار دیکھا جاسکے گا ، سپر مون 12 اگست کو مکہ مکرمہ کے وقت کے مطابق صبح 4 بجکر 35 منٹ پر مکمل ہو جائے گا ،  اس وقت سورج کی طرف سے یہ 180 ڈگری کے زاویے پر ہوگا ۔

ماہر فلکیات کے مطابق اس کا ظاہری حجم تقریبا 8 اوراوسط روشنی 16 فیصد زیادہ ہوگی ۔ بڑا چاند ایسے عالم میں نظر آئے گا جبکہ عرب دنیا کے آسمان پر شہابیوں کی بارش نقطہ عروج کو پہنچی ہوئی ہو گی  ۔ اس کا رخ آدھی رات کے بعد جنوب کی طرف ہوگا اور آسمان پر انتہائی بلندی تک پہنچا ہوا ہوگا۔

سپرمون   آسٹریلیا ، برطانیہ ، سعودی عرب سمیت مختلف ممالک  میں دیکھا جاسکےگا، سپر مون کے وقت چاند زمین کے بہت قریب آجاتا ہے جس کیوجہ سے سپر مون کو بالکل  صاف دیکھا جاسکتا ہے۔  

’سپر مون‘ مکمل چاند کو کہتے ہیں ،  یہ اس وقت ہوتا ہے جب چاند کے مرکز اور زمین کے مرکز کے درمیان 362146 کلو میٹر کا فاصلہ ہوتا ہے۔

خیال رہے کہ رواں سال مئی،جون اور جولائی میں بھی تین بار سپر مون کا دلکش نظارہ  کیاجا چکا ہے۔