صدر  کاقدرتی آفات سے متاثرہ لوگوں کی جانیں بچانیوالے کارکنوں کوخراج عقیدت 

عالمی یوم انسانی امداد کے موقع پر صدرملکت عارف علوی  نے پاکستانیوں کی انسانی اور دل کھول کر مدد کرنے کے جذبے کو تسلیم کیا جنہوں نے قدرتی آفات کے دوران اپنے بھائیوں کی ہمیشہ مدد کی۔

صدر مملکت  نے کہا کہ پاکستان میں حالیہ موسمیاتی تباہ کاریوں میں غیر معمولی اضافے کے باعث غیر محفوظ اور نادار لوگ پہلے سے زیادہ انسانی مدد کے منتظر ہیں۔

ڈاکٹر عارف علوی نے کہا کہ ماحولیاتی تبدیلی کے باعث ہونے والی تباہ کاریوں سے جبری نقل مکانی، ناقص غذائیت، شرح اموت میں اضافہ دیکھنے میں آیا ہے اور معاشرے کے نادار طبقات کو معاشی اور مالی طور پر بری طرح متاثر کیا ہے۔

انہوں نے دوسروں کی بھلائی کیلئے انفرادی اور اجتماعی کوششوں کی ضرورت پر زور دیا۔