عوام کوپارلیمنٹیرین، بیوروکریٹس کے اثاثوں کی تفصیلات تک رسائی دینے کا فیصلہ

تفصیلات کے مطابق پاکستان اور آئی ایم ایف کے درمیان تفصیلات پبلک کرنے کا ’ لیٹر آف انٹیٹ ‘ ( ایل او آئی )  پر معاہدہ طے پایا ہے۔ معاہدے کے تحت  بیورو کریسی کے بیرون ملک اثاثوں کی تفصیلات منظر عام پر لائی جائیں گی۔

ذرائع کا کہنا ہے کہ شفافیت اور احتساب کے لیے الیکٹرانک ایسٹ ڈیکلریشن سسٹم قائم کیا جائے گا ، بیوروکریسی کے بیرون ملک منقولہ اور غیرمنقولہ اثاثہ جات کو بھی پبلک کیا جائے گا ، بیرون ملک خفیہ اثاثہ جات رکھنے والے بیورو کریٹس کے خلاف کارروائی ہو گی۔

معاہدے کے مطابق گریڈ 17 سے 22 کے ملازمین کے بیوی، بچوں کے اثاثوں کی تفصیلات بھی بتائی جائیں گی ، ارکان پارلیمنٹ کے اثاثوں کی ڈیکلیریشن تک شہریوں کی رسائی ممکن ہو گی۔