تیسرا ایک روزہ میچ، پاکستان نے نیدر لینڈز کو جیت کیلئے 207 رنز کا ہدف دے دیا

تین میچوں کی سیریز کے آخری میچ میں قومی ٹیم نے ٹاس جیت کر نیدرلینڈز کے خلاف پہلے بلے بازی کا فیصلہ کیا تھا، تیسرے ون ڈے میں پاکستان کی ٹیم میں 4 تبدیلیاں کی گئی ہیں،

تیسرے ایک روزہ میچ میں عبداللّٰہ شفیق، محمد حارث، زاہد محمود اور شاہنواز دھانی کو ٹیم میں شامل کیا گیا ہے جب کہ محمد رضوان، حارث رؤف، امام الحق اور نائب کپتان شاداب خان کو آرام کرایا گیا ہے۔

قومی ٹیم بلے بازی کے لیے میدان میں آئی تو کپتان بابر اعظم 91 رنز بنا کر آؤٹ ہوئے جب کہ محمد نواز 27، فخر زمان 26 اور آغا سلمان 24 رنز کے ساتھ نمایاں بلے باز رہے۔

دوسری جانب نیدر لینڈز کے باس ڈے لیڈے 3 وکٹیں حاصل کرنے میں کامیاب رہے، وویان کنگما 2 جبکہ آریان دت، شارض احمد اور لوگان وین بیک نے ایک ایک وکٹ حاصل کی۔