ملتان : حضرت بہاالدین زکریا کے 783 ویں سالانہ عرس کا آج سے آغاز

برصغیر پاک وہند کے عظیم صوفی بزرگ حضرت بہاالدین زکریا  27 رمضان المبارک 566 ہجری میں کروڑ لال عیسن کے مقام پر پیدا ہوئے انہوں نے حدیث کی تعلیم بخارا، ثمر قند اور مدینہ منورہ سے حاصل کرنے کے بعد اپنی ساری زندگی برصغیر پاک و ہند میں دین اسلام کو پھیلانے میں وقف کردی ، انہوں نے برصغیر سمیت جنوبی ایشیا میں سلسلہ سہروردیہ کی بنیاد رکھی ۔ 

شیخ الحدیث بہاالدین زکریا کو اس خطے میں پہلی اقامتی درسگاہ بنانے کا اعزاز بھی حاصل ہے جس میں دور دراز سے آنے والے ہزاروں طلبا نے قران اور حدیث کی تعلیم حاصل کر کے اس تعلیم سے معاشرے کو منور کیا۔

حضرت بہاالدین زکریا 95 برس کی عمر میں7  صفر 661 ہجری کو اس دنیا سے رخصت ہوئے۔  

 انکی امن بھائی چارے اور مساوات کی تعلیمات کی ہی بدولت  آج بھی ہر رنگ و نسل اور مذہب کے لوگ انکے عرس میں شامل ہوتے ہیں اور انکی تعلیمات پر عمل پیرا ہو کر انہیں خراج عقیدت پیش کرتے ہیں۔