اسلام آباد ہائیکورٹ نے فواد چوہدری کیخلاف توہین عدالت کی درخواست مسترد کر دی

 اسلام آباد ہائیکورٹ نے سابق وزیر اطلاعات اور تحریک انصاف کے رہنما فواد چوہدری کے خلاف توہین عدالت کی درخواست مسترد کردی۔

میڈیا رپورٹس کے مطابق اسلام آباد ہائیکورٹ میں فواد چوہدری کیخلاف توہین عدالت کی درخواست سماعت ہوئی۔اسلام آباد ہائیکورٹ کے جسٹس بابر ستار نے درخواست ناقابل سماعت قرار دی اور ریمارکس دئیے کہ یہاں پر روز عدالتی فیصلوں پر تنقید کی جاتی ہے،

اب ہم سارے کام چھوڑ کر توہین عدالت کی درخواستیں سننا شروع کر دیں؟ درخواست گزار نے کہا کہ فواد چوہدری نے ایڈیشنل سیشن جج زیبا چوہدری کے خلاف توہین آمیز بیان دیا،

اسلام آباد ہائیکورٹ نے استفسار کیا کہ کس قسم کی توہین عدالت کی کارروائی ہو سکتی ہے؟ وکیل نے کہا کہ فواد چوہدری کے خلاف کریمنل توہین عدالت کی کارروائی کی جائے،جسٹس بابر ستار نے قرار دیا کہ دو قسم کے بیانات پر توہین عدالت کی کارروائی ہوسکتی ہے۔ 

سیاسی بیانات کے ذریعے فیصلوں پر تنقید سے توہین عدالت نہیں ہوتی،جس کیس کا آپ حوالہ دے رہے ہیں لارجر بینچ کے سامنے زیر سماعت ہے۔

قبل ازیں فواد چوہدری کے خلاف توہین عدالت کی درخواست سماعت کے لیے مقرر کی گئی،اسلام آباد ہائیکورٹ کے جسٹس بابر ستار درخواست پر سماعت کریں گے۔اسلام آباد ہائیکورٹ میں پاکستان تحریک انصاف کے رہنما اور سابق وفاقی وزیر فواد چوہدری کیخلاف توہین عدالت کی درخواست سماعت کیلئے مقرر کر دی گئی۔ 

سلیم اللہ خان نامی وکیل کی جانب سے سابق وزیر اطلاعات کیخلاف دائر درخواست میں موقف اختیار کیا گیا ہکہ فواد چوہدری نے خاتون جج کے خلاف توہین آمیز بیان دیا،

لہذا ان کیخلاف توہین عدالت کی کاروائی عمل میں لائے جائے۔ بتایا گیا کہ پی ٹی آئی رہنما کیخلاف دائر توہین عدالت کی درخواست کو سماعت کیلئے منظور کر لیا گیا ہے، اسلام آباد ہائیکورٹ کے جسٹس بابر ستار درخواست پر سماعت کریں گے۔