بھارتی کرکٹر سریش رائنا نے تمام فارمیٹس سے ریٹائرمنٹ کا اعلان کردیا

بھارتی کرکٹر سریش رائنا نے سماجی رابطے کی ویب سائٹ  ٹوئٹر پر ریٹائرمنٹ کا اعلان کرتے ہوئے کہا کہ اپنے ملک اور ریاست اتر پردیش کی نمائندگی کرنا میرے لیے اعزاز کی بات ہے۔

بھارتی کرکٹر نے لکھا میں اب کرکٹ کے تمام فارمیٹ سے ریٹائرمنٹ کا اعلان کررہا ہوں ، کیرئیر میں سپورٹ کرنے پر سب کا شکریہ ادا کرتا ہوں۔

It has been an absolute honour to represent my country & state UP. I would like to announce my retirement from all formats of Cricket. I would like to thank @BCCI, @UPCACricket, @ChennaiIPL, @ShuklaRajiv sir & all my fans for their support and unwavering faith in my abilities ??

— Suresh Raina?? (@ImRaina) September 6, 2022

خیال رہے کہ سریش رائنا نے 18 ٹیسٹ ، 226 ون ڈے اور 78 ٹی ٹوئنٹی میچز میں بھارت کی نمائندگی کی ہے۔ 

سریش رائنا  نے اپنے کیرئیر کے 18 ٹیسٹ میچوں میں 768 رنز اسکور کیے، جب کہ 13 وکٹیں بھی حاصل کیں۔

بھارتی کرکٹر  نے 226 ایک روزہ میچز کھیلے جس میں انہوں نے مجموعی طور پر 5 ہزار 615 رنز بنائے ، اس کے علاوہ انہوں نے ان میچوں میں 36 وکٹیں  اپنے نام کیں ۔ 

78 ٹی ٹوئنٹی میں سریش رائنا نے 1604 رنز کیے جبکہ 13 وکٹیں  حاصل کیں ۔